जनलोक वार्ता

  जनलोक वार्ता न्यूज नेटवर्क  सांगली ( प्रतिनिधी ) : प्रहार शिक्षक संघटने तर्फे सांगली जिल्हा परिषद च्या नूतन मुख्य कार्यकारी अधिकारी तृप्ती धोडमिसे यांचा सत्कार करण्यात आला.त्याच बरोबर शिक्षकांच्या विविध प्रश्नबाबत सकारात्मक चर्चा करण्यात आली.  शिक्षकांच्या वैद्यकीय बिलाबाबत फाईल्स एक आदर्श नमुना असावा  व फाईल पंचायत समितीवर परिपूर्ण होऊनच जिल्हा परिषद ला पाठवण्यात यावी. तसेच इयत्ता पहिली व दुसरीच्या गुणवत्ता परीक्षा घेण्यात येऊ नयेत,ऍप, लिंक,यांचा वापर मर्यादित असावा यांसारख्या, शिक्षकांना अशैक्षणिक कामे देऊ नयेत यांसारख्या विषयांवर सकारात्मक चर्चा करण्यात आली. याप्रसंगी मुख्य कार्यकारी अधिकारी म्हणाल्या, विध्यार्थी गुणवत्ता वाढीसाठी प्रयत्न करणार असल्याचे सांगण्यात आले. सदर मागण्यांचे निवेदन प्रहार शिक्षक संघटना कडून देण्यात आले. शिक्षकांच्या विविध प्रश्नावर शिक्षणाधिकारी मोहनराव गायकवाड व शा. पो. आहार जिह्वा प्रमुख मा. दीपाली यादव मॅडम यांच्याशी केली सकारात्मक चर्चा. प्रहार शिक्षक संघटना सांगली यांनी  जिल्हा प्राथमिक शिक्षणाधिकारी मोहनराव गायकवाड साहेब यांचे सोबत शिक्षकांच्या विविध

  जनलोक वार्ता न्यूज नेटवर्क  प्रतिनिधी-- लतिफ शेख  खेड दि. २९, केडगाव चौफुला या ठिकाणी महाराष्ट्र राज्य शारीरिक शिक्षक महासंघ संघटना व पुणे जिल्हा शारीरिक शिक्षक संघटना यांची वार्षिक सर्वसाधारण सभा राज्य महासंघाचे अध्यक्ष राजेद्र कोतकर यांच्या अध्यक्षतेखाली पार पडली यामध्ये सर्वप्रथम पुणे जिल्हा शारीरिक शिक्षक संघटनेची सभा संपन्न झाल्यानंतर महाराष्ट्र राज्य शारीरिक शिक्षक महासंघाची वार्षिक सर्वसाधारण सभा संपन्न झाली या सभेसाठी महाराष्ट्र राज्यातून तमाम शिक्षक उपस्थित झालेले होते. या राज्याच्या वार्षिक मीटिंगमध्ये पहिल्या क्रीडा शिक्षक अधिवेशनाचे जनक व शारीरिक शिक्षकांच्या विविध प्रश्न सोडविणारे विश्वनाथ पाटोळे यांची महाराष्ट्र राज्याच्या सचिव पदी निवड करण्यात आली तसेच दौंडचे जालिंदर आवारी यांची महाराष्ट्र राज्याच्या संचालक पदी निवड करण्यात आली यासाठी महाराष्ट्र राज्याच्या ऑलिम्पिक संघटनेचे सचिव आदरणीय निलेश जगताप काळे व ठाकूर तसेच पुणे जिल्ह्यातील तेरा तालुके व पुणे चिंचवड क्रीडा शिक्षक संघटनेचे सर्व अध्यक्ष सचिव पदाधिकारी या सभेसाठी उपस्थित होते कार्यक्रमाचे प्रस्ताविक दौंड शिक्षक सं

  जनलोक वार्ता न्यूज नेटवर्क  पुणे, दि. २८: पुरंदर उपविभागातील दौंड व पुरंदर तालुक्यातील रिक्त असलेल्या पोलीस पाटील पदांसाठी १ ऑगस्ट २०२३ रोजी आयोजित करण्यात आलेली लेखी परीक्षा पावसाची स्थिती लक्षात घेऊन तसेच अन्य प्रशासकीय कारणास्तव स्थगित करण्यात आली असल्याचे उपविभागीय अधिकारी मिनाज मुल्ला यांनी कळविले आहे. जिल्हाधिकारी पुणे यांच्या निर्देशानुसार ३ जुलै २०२३ रोजी पोलीस पाटील भरती प्रकियेबाबत जाहीरनामा प्रसिद्ध करण्यात आला होता. पोलीस पाटील पदासाठी प्राप्त अर्जाची छाननी करून पात्र उमेदवारांची यादी २४ जुलै रोजी प्रसिद्ध करण्यात आली आहे. भरती प्रक्रियेबाबत कालबद्ध कार्यक्रमानुसार मंगळवार १ ऑगस्ट रोजी सकाळी ११ वाजता परीक्षा घेण्यात येणार होती. पुणे जिल्ह्यात अतिवृष्टी/मुसळधार पावसाचा इशारा देण्यात आला आहे. तसेच दिनांक १ ऑगस्ट ते ७ ऑगस्ट या कालावधीत महसूल सप्ताह आयोजित करण्यात येणार आहे. पुरंदर तालुक्यातील गराडे, सोनारी व हिवरे या गावांतील पुणे वर्तुळाकार महामार्गासाठी संपादित जमिनीच्या मोजणीची तारीख निश्चित केलेली आहे.    ही परिस्थिती लक्षात घेता नियोजित लेखी परीक्षा घेणे प्रशासकीय कारणा

जनलोक वार्ता न्यूज नेटवर्क  पुणे, दि. २८: कृषी उत्पादने निर्यात विकास प्राधिकरण (अपेडा), राष्ट्रीय पीक संरक्षण संस्था (एनपीपीओ), महाराष्ट्र राज्य कृषी पणन मंडळ, डाळिंब संशोधन केंद्र, सोलापूर आणि आय.एन.आय फार्म प्रा.लि. यांच्या संयुक्त विद्यमाने कृषी पणन मंडळाच्या वाशी (नवी मुंबई) येथील विकिरण सुविधा केंद्रावरुन अपेडाच्या महाव्यवस्थापक विनिता सुधांशू  यांच्या हस्ते प्रायोगिक तत्त्वावर अमेरिकेला डाळिंब निर्यातीचा शुभारंभ करण्यात आला. या निर्यातीनंतर अमेरिकेतील मोठी बाजारपेठ खुली होईल असा विश्वास श्रीमती सुधांशू यांनी यावेळी व्यक्त केला.  कार्यक्रमाला अपेडाचे अध्यक्ष अभिषेक देव, संचालक तरुण बजाज, महाराष्ट्र राज्य कृषी पणन मंडळाचे कार्यकारी संचालक संजय कदम, राष्ट्रीय डाळिंब संशोधन केंद्र सोलापूरचे डॉ. आर. ए. मराठे, अपेडाचे सरव्यवस्थापक यु. के. वत्स, प्लॅंट प्रोटेक्शन ॲडवायजर जे. पी. सिंग, विकिरण सुविधा केंद्राचे प्रमुख सतिश वाघमोडे आदिंसह अधिकारी व निर्यातदार उपस्थित होते. डाळिंबाच्या दाण्यामध्ये फळमाशीचा प्रादुर्भाव झाल्यामुळे अमेरिका देशाने भारतातून डाळिंबाची आयात करण्यास २०१७-१८ मध्ये ब

  जनलोक वार्ता न्यूज नेटवर्क  पुणे, दि. २८: पुणे, कोल्हापूर, सातारा व सांगली या जिल्ह्यातील अनुसूचित जमाती प्रर्वगातील विद्यार्थ्यांनी परदेशात पदवी व पदव्युत्तर अभ्यासक्रमाच्या शिक्षणाकरिता सन २०२३-२४ या शैक्षणिक वर्षासाठी परदेशी शिष्यवृत्ती योजनेसाठी १५ ऑगस्ट पर्यंत अर्ज करण्याचे आवाहन एकात्मिक आदिवासी विकास प्रकल्पाकडून करण्यात आले आहे.  राज्यातील अनुसूचित जमातीच्या विद्यार्थ्यांना परदेशात पदवी व पदव्युत्तर अभ्यासक्रमाचे शिक्षण घेता यावे यासाठी आदिवासी विकास विभागाकडून आयुक्तालय स्तरावर परदेशी शिष्यवृत्ती योजना राबविण्यात येते. एमबीए, वैद्यकीय अभ्यासक्रम, बी. टेक, विज्ञान, कृषी व इतर विषयांचे पदवी व पदव्युत्तर अभ्यासक्रमास परदेशातील मान्यताप्राप्त विद्यापीठात प्रवेश मिळालेल्या विद्यार्थ्यांसाठी ही योजना राबविण्यात येते. योजनेच्या लाभासाठी अर्ज करणाऱ्या विद्यार्थ्यांच्या पालकांचे कौटुंबिक कमाल उत्पन्न ६ लाख रुपयांपर्यंत असावे.  परदेशी शिष्यवृत्तीचे विहित नमुन्यातील अर्ज  एकात्मिक आदिवासी विकास प्रकल्प घोडेगाव यांच्या कार्यालयात विनामूल्य उपलब्ध आहेत. इच्छुक विद्यार्थ्यांनी एकात्मिक आद

जनलोक वार्ता न्यूज नेटवर्क  पुणे, दि. २८:  मतदार याद्यांच्या विशेष संक्षिप्त पुनरिक्षण कार्यक्रमाअंतर्गत २१२ पर्वती विधानसभा मतदार संघाच्या कार्यक्षेत्रातील गृहनिर्माण संस्थांमध्ये शनिवार २९ व रविवार ३० जुलै रोजी विशेष मतदार नोंदणी अभियान राबविण्यात येणार आहे. भारत निवडणूक आयोगाने १ जानेवारी २०२४ या अर्हता दिनांकावर मतदार याद्यांचा विशेष संक्षिप्त पुनरिक्षण कार्यक्रम घोषित केला आहे. त्याअंतर्गत मतदार संघातील मतदान केंद्रस्तरीय अधिकारी (बीएलओ) गृहनिर्माण संस्थांमध्ये प्रत्यक्ष घरोघरी भेट देऊन पडताळणी करणार आहेत. त्यामध्ये ज्या मतदारांची नावे मतदार यादीमध्ये समाविष्ट नाहीत त्यांची नावे नमुना क्रमांक ६ मध्ये भरुन घेणे, कायमस्वरुपी स्थलांतरीत व मयत झालेल्या मतदारांची नावे मतदार यादीतून वगळण्यासाठी नमुना क्रमांक ७ तर मतदार यादी किंवा मतदार ओळखपत्रातील त्रुटी दूर करण्यासाठी नमुना क्रमांक ८ भरुन घेतला जाणार आहे.   मतदार नोंदणीसाठी आवश्यक कागदपत्रे: नमुना क्रमांक ६ भरण्यासाठी अर्हता दिनांकाला वय वर्षे १८  पूर्ण होत असावे. निवासाच्या पुराव्यासाठी आधार कार्ड, वाहन चालविण्याचा परवाना, भारतीय पासप

जनलोक वार्ता न्यूज नेटवर्क   पुणे दि. २८: खेड तालुक्यातील रिक्त असलेल्या पोलीस पाटील पदांसाठी १ ऑगस्ट २०२३ रोजी आयोजित करण्यात आलेली लेखी परीक्षा पावसाची स्थिती लक्षात घेऊन तसेच प्रशासकीय कारणास्तव स्थगित करण्यात आली असल्याचे खेडचे उपविभागीय अधिकारी जोगेंद्र कट्यारे यांनी कळविले आहे. जिल्हाधिकारी पुणे यांच्या निर्देशानुसार ३ जुलै २०२३ रोजी भरती प्रकियेबाबत जाहीरनामा प्रसिद्ध करण्यात  आला होता. पोलीस पाटील पदासाठी प्राप्त अर्जाची छाननी करून पात्र उमेदवारांची यादी २४ जुलै रोजी प्रसिद्ध  करण्यात आली आहे. भरती प्रक्रियेबाबत कालबद्ध कार्यक्रमानुसार मंगळवार १ ऑगस्ट रोजी सकाळी ११ वाजता परीक्षा घेण्यात येणार होती. पुणे जिल्ह्यात अतिवृष्टी/मुसळधार पावसाचा इशारा देण्यात आला आहे. दिनांक १ ऑगस्ट ते ७ ऑगस्ट या कालावधीत महसूल सप्ताह आयोजित करण्यात येणार आहे. खेड तालुक्यातील काही गावांतील पुणे वर्तुळ रस्त्याची संपादित जमिनीच्या मोजणीची तारीख निश्चित केलेली आहे. महाराष्ट्र औद्योगिक विकास मंडळाकडून रोहकल येथील जमीन संपादनाच्या अनुषंगाने मोजणी स्थगित करण्याबाबत शेतकऱ्यांनी निवेदन दिले आहे.    ही परिस्थि

  जनलोक वार्ता न्यूज नेटवर्क   खेड (प्रतिनिधी) : सन २०२३ते२०२८या कार्यकालासाठी नवीन अकरा सभासद बिन विरोध निवडुन आले यामध्ये दिलिप ढमाले लतिफ शेख अरविंद गवळे किशोर भगत संजय बोरकर उत्तम पोटवडे पाडुरंग वारे व्ही डी काळे रामदास रेटवडे वैशाली चौधरी ज्ञानेश्वरी तितर बिनविरोध निवडून आले यापैकी महिलांना सर्वप्रथम अध्यपदी व सचिवपदी बिनविरोध निवडून महिलांचा सन्मान करण्यात आला तसेच रामदास रेटवडे उपाध्यक्षपदी तर लतिफ शेख यांची खजीनदारपदी निवड करण्यात आली  छत्रपती शिवाजी सभागृहात निवडणूक प्रक्रिया पार पडली निवडून आलेल्या पदाधिकाऱ्यांचा खरपूडी विद्यालयाचे संस्थापक अध्यक्ष बापूसाहेब चौधरी पाटील तसेच दोंदे गावचे सरपंच चंद्रकात बारणे व आनंदराव कदम तसेच मुख्याध्यापक रविंद्र चौधरी माजी सचिव मुख्या रामदास पवार संतोष पुजारी यांनी स्वागत व सत्कार केला निवडणूक निर्णय अधिकारी म्हणून बगाडे यांनी काम पाहिले.

जनलोक वार्ता न्यूज नेटवर्क  खेड (प्रतिनिधी ) : आदर्श ग्राम सिद्धेगव्हाण येथील ग्रामपंचायतीच्या उपसरपंचपदी आमदार दिलीपराव मोहिते पाटील यांचे समर्थक प्रा. राजेंद्र गाडे यांची निवड करण्यात आली.  सौ. ज्योती साबळे यांनी आपल्या सहकाऱ्यांना संधी मिळावी. या उद्देशाने पदाचा राजीनामा दिला. त्यानुसार दौलतराव मोरे यांच्या अध्यक्षतेखाली आयोजित करण्यात आलेल्या विशेष बैठकीत निवडणुक प्रक्रिया पार पडली. उपसरपंच पदासाठी राजेंद्र गाडे यांचा एकमेव उमेदवारी अर्ज दाखल झाल्याने निवडणूक अधिकारी स्वाती माळी व सभेचे अध्यक्ष दौलतराव मोरे यांनी बिनविरोध निवड जाहीर केली.  यावेळी सरपंच परिषदेचे उपाध्यक्ष शशिकांत मोरे मावळत्या उपसरपंच ज्योती साबळे,मा.चेअरमन अनिल साबळे, उद्योजक उमेश मोरे , ग्रामपंचायत सदस्य स्वाती मोरे, कांचन थोरात, अच्युता पवार, अविनाश मोरे, मनोज मोरे, बाळासाहेब मोरे, वाल्मिकराव साबळे, मुगुटराव मोरे, संतोष साबळे माजी सैनिक प्रकाशराव उगले, धनंजय धाऊत्रे, विनायक पवार, मा. सरपंच दत्तात्रय गंगावणे, दिलीप मोरे, शिवाजी मोरे, विलास चौधरी, संतोष मोरे, जयसिंग धाऊत्रे, दत्ता गाडे, दयानंद धुमाळ, कमलाकर वाडेकर,

जनलोक वार्ता न्यूज नेटवर्क  सोलापूर (प्रतिनिधी) दि. २०, सोलापूर चे आदर्श  जिल्हाधिकारी म्हणून ठसा उमटविलेले मिलिंद शंभरकर यांची बदली करण्यात आली असून त्यांच्या जागी  कुमार आशीर्वाद  यांची नियुक्ती करण्यात आली आहे. राज्यतील काही आय ए एस अधिकाऱ्यांच्या बदल्या राज्य सरकारने केल्या आहेत यात सोलापूर चे जिल्हाधिकारी मिलिद शंभरकर आणि सोलापूर जिल्हा परिषदेचे मुख्य कार्यकारी अधिकारी दिलीप स्वामी यांचा समावेश आहे. सोलापूर जिल्हा परिषदेच्या मुख्य कार्यकारी अधिकारी पदी मनीषा आव्हाळे यांची नियुक्ती करण्यात आली आहे . राज्य सरकारने तब्बल 41 आयएएस अधिकाऱ्यांच्या  बदल्या केल्या असून त्यामध्ये सोलापूरच्या जिल्हाधिकारी पदी गडचिरोली जिल्हा परिषदेचे मुख्य कार्यकारी अधिकारी कुमार आशीर्वाद यांची नियुक्ती करण्यात आली आहे,  तर सोलापूर जिल्हा परिषदेच्या मुख्य कार्यकारी अधिकारी पदी सहाय्यक जिल्हाधिकारी तथा प्रांताधिकारी क्रमांक दोन च्या मनीषा आव्हाळे यांची नियुक्ती करण्यात आली आहे. सोलापूरचे जिल्हाधिकारी मिलिंद शंभरकर यांना साडेतीन वर्षे पूर्ण झाले आहेत तसेच मुख्य कार्यकारी अधिकारी दिलीप स्वामी यांना ही अडीच वर्

  जनलोक वार्ता न्यूज नेटवर्क पुणे दि.१५,  मराठी चित्रपट सृष्टीतील ज्येष्ठ सिने अभिनेते रवींद्र महाजनी यांच्या पार्थिवावर पुण्यातील वैकुंठ स्मशानभूमीत आज पावणे सहा वाजण्याच्या सुमारास विद्युत दाहीनीमध्ये अंत्यसंस्कार करण्यात आले.रवींद्र महाजनी यांच्या मागे पत्नी माधवी महाजनी,मुलगा अभिनेता गश्मीर, मुलगी आणि नातवंड असा परिवार आहे. दरम्यान राजकीय क्षेत्रातूनही रवींद्र महाजनी यांना श्रद्धांजली वाहण्यात आली आहे. पुण्याचे पालकमंत्री चंद्रकांत पाटील – मराठी चित्रपट सृष्टीतील राजबिंडा व्यक्तीमत्त्व अशी ओळख असलेल्या रविंद्र महाजनी यांचे जाणे सर्वांनाच चटका लावणारे आहे. ‘देवता’ या  चित्रपटात त्यांच्यावर चित्रित झालेल्या ‘खेळ कुणाला दैवाचा कळला?’ या ओळींची आज प्रत्यक्षात अनुभूती होत  आहे, अशा शब्दात आपल्या भावना व्यक्त करत पालकमंत्री चंद्रकांतदादा पाटील यांनी ज्येष्ठ अभिनेते रविंद्र महाजनी यांना श्रद्धांजली वाहिली आहे. मुख्यमंत्री एकनाथ शिंदे –  ‘रवींद्र महाजनी यांनी आपला दमदार अभिनय, देखणेपण, रुबाबदार व्यक्तिमत्त्वाच्या जोरावर मराठी चित्रपटसृष्टी गाजवली. नाटकांमधून सुरुवात करून महाजनी यांनी चित्र

जनलोक वार्ता न्यूज नेटवर्क  पुणे, दि. १४: क्रांतिगुरू लहुजी वस्ताद साळवे यांचे संगमवाडी येथे समाजाला प्रेरणादायी आणि भव्य असे स्मारक उभारण्यात येणार असून त्यासाठी गठित करण्यात आलेल्या समितीच्या सूचना विचारात घेऊन तातडीने आराखडा तयार करावा, असे निर्देश पालकमंत्री चंद्रकांतदादा पाटील यांनी दिले. क्रांतिगुरु लहुजी वस्ताद साळवे स्मारकाच्या अनुषंगाने शासकीय विश्रामगृह येथे आयोजित बैठकीस आमदार सुनील कांबळे, विभागीय आयुक्त सौरभ राव, पुणे मनपा आयुक्त विक्रम कुमार, समाजकल्याण आयुक्त ओम प्रकाश बकोरिया, जिल्हाधिकारी डॉ. राजेश देशमुख, महापालिकेचे अतिरिक्त आयुक्त विकास ढाकणे, लहुजी वस्ताद साळवे स्मारक समितीचे अध्यक्ष अशोक लोखंडे, उपाध्यक्ष शिवाजी राजगुरू आणि समितीचे सदस्य उपस्थित होते. यावेळी या स्मारकाच्या अनुषंगाने कार्यवाहीचा आढावा घेण्यात आला. हे स्मारक लवकरात लवकर उभे रहावे अशी शासनाची भूमिका आहे, असे सांगून पालकमंत्री श्री. पाटील म्हणाले, त्यासाठी स्मारकात समाविष्ट करावयाचे संग्रहालय, त्यांच्या जीवनावर आधारित प्रदर्शन, शारीरिक शिक्षणाच्या प्रशिक्षणाची व्यवस्था आदी तपशीलाबाबत समितीने चर्चा करु

  जनलोक वार्ता न्यूज नेटवर्क  पुणे दि. १४- जिल्ह्यातील गृहनिर्माण संस्थांमध्ये वास्तव्यास असणाऱ्या मतदारांची १०० टक्के मतदार नोंदणी करण्यासाठी येत्या २२ व २३ जुलै २०२३ रोजी  जिल्ह्यातील २० हजार ९३६ गृहनिर्माण  संस्थांमध्ये ‘गृहनिर्माण सोसायटी मतदार नोंदणी अभियान’  राबविण्यात येणार असून गृहनिर्माण संस्थेच्या सदस्यांनी या अभियानात सहभाग घ्यावा, असे आवाहन जिल्हाधिकारी डॉ.राजेश देशमुख यांनी केले आहे. अभियानाच्या नियोजनाबाबत जिल्हाधिकारी कार्यालयात बैठकीचे आयोजन करण्यात आले होते. बैठकीस उप जिल्हा निवडणूक अधिकारी मीनल कळसकर आणि दूरदृष्य प्रणालीद्वारे सर्व मतदार नोंदणी अधिकारी , सहाय्यक मतदार नोंदणी अधिकारी   उपस्थित होते. डॉ.देशमुख म्हणाले, जिल्ह्यातील विधानसभा मतदारसंघाच्या निवडणूक अधिकाऱ्यांनी गृहनिर्माण संस्थांच्या पदाधिकाऱ्यांची भेट घेऊन त्यांना अभियानात सहभागी होण्याचे आवाहन करावे. अभियानाची माहिती सोसायटीतील सदस्यांपर्यंत पोहोचवावी. तेथील अपेक्षित मतदार संख्या, झालेली मतदार नोंदणी याबाबत माहिती घेऊन अभियानाचे सूक्ष्म नियोजन करावे. अभियानाशी संबंधीत घटकांना सहभागी करून घेतल्यास मतदार नो

जनलोक वार्ता न्यूज नेटवर्क  मुंबई, दि. १४:  राज्य मंत्रिमंडळातील नवनियुक्त मंत्र्यांच्या खातेवाटपाबरोबरच सध्याच्या मंत्र्यांच्या खात्यांमध्ये देखील काही फेरबदल करून मुख्यमंत्री एकनाथ शिंदे यांनी आज खातेवाटप जाहीर केले आहे. राज्यपाल रमेश बैस यांनी मंजुरी दिल्यानंतर हे खातेवाटप जाहीर करण्यात आले आहे. मुख्यमंत्री एकनाथ शिंदे यांच्याकडे सामान्य प्रशासन, नगर विकास, माहिती व तंत्रज्ञान, माहिती व जनसंपर्क, परिवहन, सामाजिक न्याय, पर्यावरण व वातावरणीय बदल, खनिकर्म आणि इतर कोणत्याही मंत्र्यांना वाटप न केलेले  विभाग  उपमुख्यमंत्री देवेंद्र फडणवीस यांच्याकडे गृह, विधी व न्याय, जलसंपदा व लाभक्षेत्र विकास, ऊर्जा, राजशिष्टाचार ही खाती असतील. उपमुख्यमंत्री अजित पवार यांच्याकडे वित्त व नियोजन हे खाते राहील.  *इतर २६ मंत्र्यांची खाती  पुढीलप्रमाणे:* छगन भुजबळ – अन्न व नागरी पुरवठा व ग्राहक संरक्षण दिलीपराव दत्तात्रय वळसे-पाटील – सहकार राधाकृष्ण विखे-पाटील - महसूल, पशुसंवर्धन आणि दुग्ध व्यवसाय विकास सुधीर सच्चिदानंद मुनगंटीवार- वने, सांस्कृतिक कार्य, व मत्स्य व्यवसाय हसन मियाँलाल मुश्रीफ – वैद्यकीय शिक्

जनलोक वार्ता न्यूज नेटवर्क  मुंबई, दि.14:-  उपमुख्यमंत्री अजित पवार यांच्याकडे राज्याच्या वित्त व नियोजन विभागाच्या मंत्रिपदाची जबाबदारी देण्यात आली आहे तत्पूर्वी सकाळी त्यांनी दोन्ही विभागांच्या वरिष्ठ अधिकाऱ्यांची मंत्रालयात बैठक घेऊन वित्त व नियोजन विभागाच्या सद्यस्थितीची माहिती तसेच कामकाजाचा आढावा घेतला. अतिरिक्त मुख्य सचिव नितीन करीर, अतिरिक्त मुख्य सचिव ओमप्रकाश गुप्ता यावेळी उपस्थित होते.  उपमुख्यमंत्री अजित पवार यांच्याकडे वित्त व नियोजन विभागाच्या मंत्रिपदाची जबाबदारी सोपवण्यात आली आहे. उपमुख्यमंत्री अजित पवार यांनी आज मंत्रालयातील त्यांच्या दालनातून कामकाजाला सुरुवात केली. सकाळी लवकर मंत्रालयात आलेल्या अजित पवार यांनी वित्त व नियोजन विभागाच्या वरिष्ठ अधिकाऱ्यांची बैठक घेतल्यानंतर ते अभ्यागत नागरिकांना भेटले.  उपमुख्यमंत्री तथा वित्तमंत्री अजित पवार यांचे कार्यालय मंत्रालयातील पाचव्या मजल्यावरील 503 क्रमांकाचे दालनात असून या दालनातूनच ते आपल्या विभागांचे तसेच उपमुख्यमंत्रीपदाचे  कामकाज पाहणार आहेत.

जनलोक वार्ता न्यूज नेटवर्क  मुंबई, दि. 14:- ‘चांद्रयान-3  मोहिम भारतीय अवकाश संशोधन क्षेत्रातील ऐतिहासिक झेप ठरेल,’असा विश्वास व्यक्त करून मुख्यमंत्री एकनाथ शिंदे यांनी चंद्रयान-3 च्या यशस्वी प्रक्षेपणासाठी भारतीय अंतराळ संशोधन संस्थेच्या वैज्ञानिक, अधिकारी आणि कर्मचाऱ्यांचे अभिनंदन केले आहे. शुभेच्छा संदेशात मुख्यमंत्री शिंदे यांनी म्हटले आहे की, ‘चांद्रयान ही मोहिम भारताच्या अवकाश संशोधन क्षेत्रातील जिद्द आणि चिकाटीचे प्रतिक आहे. आपल्या वैज्ञानिकांनी या क्षेत्रात देखील भारत अग्रेसर असल्याचे सिद्ध केले आहे. चांद्रयान मोहिम भारतच नव्हे, तर जगासाठी महत्वपूर्ण अशी आहे. यातून पुढे अनेक वैज्ञानिक, संशोधन प्रकल्पांना चालना मिळेल, असा विश्वास आहे. या मोहिमेसाठी भारत सरकारने आपल्या वैज्ञानिकांना सातत्यपूर्ण असे पाठबळ आणि प्रोत्साहन दिले आहे. आपल्या तरूण वैज्ञानिकांसाठी हा क्षण प्रेरणादायी आहे.  भारतीयांच्या अवकाशातील या कामगिरीची जगाच्या इतिहासात गौरवाने नोंद होईल, हे आपल्या सर्वांसाठी अभिमानास्पद आहे,असेही मुख्यमंत्र्यांनी नमूद केले आहे.

  जनलोक वार्ता न्यूज नेटवर्क  पुणे दि. ११:  जिल्हाधिकारी डॉ.राजेश देशमुख यांनी एनडीए चौकात (चांदणी चौक) राष्ट्रीय महामार्ग प्राधिकरणातर्फे करण्यात येत असलेल्या उड्डाणपूल आणि रस्त्याच्या कामांची पाहणी केली. चांदणी चौकातील उड्डाणपुलाचे आणि रस्त्याचे काम अंतिम टप्प्यात असून ते लवकरात लवकर पूर्ण करण्याचे निर्देश त्यांनी अधिकाऱ्यांना दिले.   यावेळी भारतीय राष्ट्रीय महामार्ग प्राधिकरणाचे प्रकल्प संचालक संजय कदम, प्रकल्प व्यवस्थापक श्रीनिवास, प्रकल्प समन्वयक किशोर भरेकर, एनएचएआय सल्लागार अभियंता भारत तोडकरी, सुरक्षा अधिकारी कुंदन कुणाल  आदी उपस्थित होते. जिल्हाधिकारी डॉ.देशमुख यांनी राष्ट्रीय महामार्ग प्राधिकरणाच्या अधिकाऱ्यांसोबत चांदणी चौकातील कामाची पाहणी करून नवीन व्हीओपीच्या सद्यस्थितीतील कामाबद्दल  व चौकातील इतर कामाबद्दल आढावा घेतला. श्री. देशमुख म्हणाले, चांदणी चौक हा पुण्यातील वाहतुकीच्या दृष्टीने अत्यंत महत्वाचा भाग आहे. या  ठिकाणाहून पाच वेगवेगळे मार्ग जातात. गेल्या वर्षभरात  प्रकल्पाचे बरेचसे काम पूर्ण झाले आहे.  प्रकल्पातील मुख्य अडचणी म्हणजे रखडलेले भूसंपादन, सेवा वाहिन्यांचे स्

जनलोक वार्ता न्यूज नेटवर्क  पुणे, दि. ११:  पुरंदर तालुक्यातील जेजुरी येथे १३ जुलै रोजी मुख्यमंत्री, उपमुख्यमंत्री यांच्या उपस्थितीत 'शासन आपल्या दारी' व जेजुरी विकास आराखडा भूमीपूजन कार्यक्रमाचे आयोजन करण्यात आले आहे. या कार्यक्रमाच्यावेळी कायदा व सुव्यवस्था राखण्याच्यादृष्टीने पूर्व परवानगीशिवाय ड्रोनद्वारे चित्रीकरणास मनाई असल्याचे अप्पर जिल्हादंडाधिकारी ज्योती कदम यांनी आदेशित केले आहे. कोणतीही व्यक्ती, संस्था, आयोजक यांना पुणे ग्रामीण पोलीस अधीक्षकांच्या पूर्वपरवानगीशिवाय ड्रोनद्वारे चित्रीकरण करता येणार नाही असे आदेशात नमूद करण्यात आले आहे.

  जनलोक वार्ता न्यूज नेटवर्क                          पुणे दि. ९: राष्ट्रीय सुगी पश्चात तंत्रज्ञान संस्थेने संस्था स्वबळावर उभी करण्यासाठी उत्पन्नाची नवीन साधने शोधावीत आणि नाविन्यपूर्ण प्रशिक्षण सुरू करावेत, असे प्रतिपादन सहकार व पणन विभागाचे अपर मुख्य सचिव राजेश कुमार यांनी केले.  राजेश कुमार यांनी तळेगाव दाभाडे येथील राष्ट्रीय सुगी पश्चात तंत्रज्ञान संस्थेला शनिवारी भेट देऊन आढावा घेतला. यावेळी पणन मंडळाचे कार्यकारी संचालक संजय कदम, राष्ट्रीय सुगी पश्चात तंत्रज्ञान संस्थेचे सरव्यवस्थापक विनायक कोकरे, संचालक डॉ. सुभाष घुले, विश्वास जाधव आदी उपस्थित होते.  राजेश कुमार म्हणाले, राष्ट्रीय सुगी पश्चात तंत्रज्ञान संस्थेने  शेतकऱ्यांच्या फायद्यासाठी ऑनलाईन प्रशिक्षण वर्ग सुरू करावेत. दूरच्या प्रशिक्षणार्थीना लाभ मिळण्यासाठी संस्थेने समाज माध्यमाचा वापर वाढवावा. ‘मॅग्नेट’ प्रकल्पातून संस्थेच्या वैशिष्ट्यपूर्ण कामकाजासाठी काही घटक घेता येतील का याचाही विचार करावा. राज्यात काही ठिकाणी संस्थेच्या शाखा सुरू करता येतील का याचीही चाचपणी करण्यात यावी, अशा सूचनाही त्यांनी यावेळी दिल्या. श्री. कोकरे

  जनलोक वार्ता न्यूज नेटवर्क निगडी, दि. ०९, (प्रतिनिधी) :  'देश के सच्चे हिरो' संस्थेचे राष्ट्रीय अध्यक्ष चंद्रकांत कुलकर्णी यांच्या मार्गदर्शनाखाली आज पिंपरीच्या आंबेडकर चौकात स्वच्छतेविषयी जनजागृती अभियान राबविण्यात आले. शहरात स्मार्ट सिटी अंतर्गत स्वच्छतेसंदर्भात विविध योजना राबविल्या जात आहेत. तरीदेखील काही भागात घाणीचे साम्राज्य अजूनही दिसून येत आहे. मागील दोनच दिवसांपूर्वी पवना नदी पात्रात रसायनयुक्त पाण्याने नदी फेसाळल्याचे वृत्त जनलोक वार्ता   ने प्रसिद्ध केली होती. त्याची दखल घेत चंद्रकांत कुलकर्णी यांनी आपण याबाबत जनजागृती करून आपण संबंधित अधिकाऱ्यांना निवेदन देणार असल्याचे जनलोक वार्ताच्या प्रतिनीधींना कळविले. त्या अनुषंगाने आज पिंपरी जनजागृती मोहीम राबविण्यात आले. यावेळी परिसरात घाण , कचरा टाकणाऱ्यांना 'दणाका द्या दंडाचा' असा नारा देण्यात आला. याशिवाय 'स्वच्छ भारत सुंदर भारत' , 'प्लास्टिक हटाव देश बचाव ',  'कचरा फेंकनेवालों पर दंड लागाओ' अशा घोषणा देण्यात आल्या. या संस्थेचे अध्यक्ष चंद्रकांत कुलकर्णी हे गेल्या अनेक वर्षांपासून स्वच्छत

 निगडी दि ७ , थेरगाव जवळ पवना नदी पात्रात मोठ्या प्रमाणात फेसाळ दिसत आहे. पवना नदीत वारंवार रसायन मिश्रीत पाण्यामुळे नदी प्रदूषित होत आहे. पिंपरी-चिंचवड शहराची जीवनदायिनी असलेली पवना नदी काही समाज कंटकांनी प्रदूषित करण्याचा विडा उचलला आहे. कंपन्यांच्या रसायनमिश्रित पाण्यामुळे नदी मृत होत चालली आहे. परंतु, या कंपन्यांना आवर घालण्यासाठी वाली उरला आहे की नाही असा प्रश्न पर्यावरणप्रेमींनी केला आहे. केजुबाई बंधाऱ्यापासून ते मोरया गोसावी मंदिरापर्यंत सध्या मोठ्या प्रमाणात नदी पांढऱ्या रंगाने फेसाळली आहे. हा फेस पाण्यावर तरंगत आहे. फेस उगमापासून आहे की, मध्येच कुठे मिश्रित आहे याबाबत नागरिकांमध्ये चर्चा रंगली आहे. याशिवाय संबंधितांवर कारवाई करावी अशी मागणी स्थानिक करत आहेत .

जनलोक वार्ता न्यूज नेटवर्क  पुणे, दि.30: कै.वसंतराव नाईक जयंतीनिमित्त कृषि मंत्री अब्दुल सत्तार यांच्या उपस्थितीत 1 जुलै रोजी सकाळी 10 वाजता पुणे जिल्हा परिषदेच्या श्री. शरदचंद्र पवार सभागृहात राज्यस्तरीय कृषि दिन कार्यक्रमाचे आयोजन करण्यात आले आहे. कार्यक्रमाला राज्याचे कृषि आयुक्त सुनील चव्हाण, जिल्हा परिषदेचे मुख्य कार्यकारी अधिकारी आयुष प्रसाद,  तसेच कृषि विभागातील वरिष्ठ अधिकारी आणि प्रगतीशील शेतकरी उपस्थित राहणार आहेत.  कृषि विभागातील अधिकारी, कर्मचारी आणि शेतकऱ्यांनी कार्यक्रमाला उपस्थित रहावे, असे आवाहन कृषि विभागातर्फे करण्यात आले आहे.

जनलोक वार्ता न्यूज नेटवर्क  पुणे, दि.३०- ऊसतोड कामगारांना न्याय देण्यासाठी लोकनेते गोपीनाथ मुंडे ऊसतोड कामगार कल्याण महामंडळाच्यावतीने विविध योजना राबविण्यात येत असून ऊसतोड कामगारांनी त्वरीत महामंडळाकडे नोंदणी करावी असे आवाहन  समाज कल्याण विभागाचे आयुक्त डॉ. प्रशांत नारनवरे यांनी केले  आहे. ऊसतोड कामगार संबंधातील विविध प्रश्न आणि अडचणीबाबत चर्चा करण्यासाठी साखर आयुक्तालयात आयोजित बैठकीचे आयोजन करण्यात आले होते. यावेळी डॉ.नारनवरे यांनी योजनांची माहिती दिली. यावेळी साखर आयुक्त चंद्रकांत पुलकुंडवार, कामगार उपआयुक्त डॉ. संतोष कानडे, साखर आयुक्तालयाचे सहसंचालक संतोष पाटील, महाराष्ट्र राज्य सहकारी साखर कारखाना संघाचे  व्यवस्थापकीय संचालक संजय खताळ,  वेस्ट इंडिया शुगर मिल असोसिएशनचे कार्यकारी संचालक अजित चौगुले, समाज कल्याण विभागाचे प्रादेशिक उपायुक्त बाळासाहेब सोळंकी आदी उपस्थित होते.  ऊसतोड कामगारांच्या समस्या सोडविण्यासाठी लोकनेते गोपीनाथ मुंडे ऊसतोड कामगार कल्याण महामंडळाच्या माध्यमातून प्रत्येक नोंदणीकृत कामगारांचा विमा उतरविला जातो. महिलांच्या आरोग्याची काळजी घेतली जाणार आहे. ऊसतोड कामग

जनलोक वार्ता न्यूज नेटवर्क  पुणे, दि. ३०: सामाजिक न्याय विभागाच्यावतीने अनुसूचित जाती व नवबौद्ध घटकांच्या स्वयंसहायता बचत गटांना मिनी ट्रॅक्टर व त्याची उपसाधने खरेदी करण्यासाठी अनुदान देण्यात येत असून इच्छुक स्वयंसहायता गटांनी अर्ज करावेत, असे आवाहन समाज कल्याण विभागाचे सहाय्यक आयुक्त कैलास आढे यांनी केले आहे.  अनुसूचित जाती व नवबौद्ध घटकांच्या स्वयंसहायता बचत गटांना मिनी ट्रॅक्टर व त्याची उपसाधने खरेदी करण्यासाठी ३ लाख ५० हजार या मर्यादेत (९० टक्के शासकीय अनुदान व १० टक्के स्वयंसहायता बचत गटांचा हिस्सा) किमान ९ ते १८ अधशक्तीचा मिनी ट्रॅक्टर व त्याची उपसाधने खरेदी करण्यासाठी कमाल मर्यादेच्या किंवा प्रत्यक्ष साधनांच्या किंमतीच्या १० टक्के हिस्सा पूर्ण भरल्यानंतर प्रत्यक्ष किंमतीच्या ९० टक्के (कमाल ३ लाख १५ हजार रुपये) अनुदान देय राहील. स्वयंसहायता बचत गटातील किमान ८० टक्के सदस्य हे अनुसूचित जाती व नवबौद्ध घटकांतील महाराष्ट्र राज्याचे रहिवासी असावेत. बचत गटाचे अध्यक्ष व सचिव अनुसूचित जाती व नवबौद्ध घटकातील असावेत. मिनी ट्रॅक्टर व त्याची उपसाधने खरेदीची कमाल मर्यादा ३ लाख ५० हजार इतकी असा

जनलोक वार्ता न्यूज नेटवर्क  पुणे,  दि. २८: चांदणी चौक प्रकल्पाच्या मुख्य पुलाच्या (व्हीओपी) गर्डर उभारणीसाठी पुणे-सातारा राष्ट्रीय महामार्ग क्र. ४८ वर ४ जुलै ते १५ जुलै २०२३ या कालावधीत रात्री ००.३० (सोमवारी रात्री १२.३० पासून) ते पहाटे ३.३० वाजेपर्यंत तीन तास मुख्य रस्त्यावरील वाहतूक सेवा रस्त्याने नियंत्रित करण्याचा निर्णय आज घेण्यात आला. या कालावधीत नागरिकांनी पर्यायी सेवा रस्त्याचा वापर करण्याचे आवाहन जिल्हाधिकारी डॉ. राजेश देशमुख यांनी केले आहे. चांदणी चौकातील पुलाच्या कामाच्या अनुषंगाने वाहतूक वळविण्याबाबत जिल्हाधिकारी डॉ. देशमुख यांच्या उपस्थितीत दूरदृष्यप्रणालीद्वारे बैठकीचे आयोजन करण्यात आले. यावेळी पुणे ग्रामीणचे पोलीस अधीक्षक अंकित गोयल, पुणे शहर वाहतूक शाखेचे पोलीस उपायुक्त विजयकुमार मगर, भारतीय राष्ट्रीय महामार्ग प्राधिकरणाचे (एनएचएआय) प्रकल्प संचालक संजय कदम, पिंपरी चिंचवडचे पोलीस उपायुक्त डॉ.काकासाहेब डोळे,  सहायक आयुक्त वाहतूक विठ्ठल कुबडे आदी उपस्थित होते. भारत सरकारच्या रस्ते वाहतूक आणि महामार्ग मंत्रालयाच्या अंतर्गत एनएचएआयच्या भारतमाला परियोजनेअंतर्गत पुणे शहरातील च

जनलोक वार्ता न्यूज नेटवर्क  पुणे, दि. २८: जिल्ह्यातील अनुसूचित जाती घटकातील चर्मकार समाजातील गटई काम करणाऱ्यांनी सामाजिक न्याय विभागाच्यावतीने राबविण्यात येणाऱ्या गटई कामगारांना पत्र्याचे स्टॉल योजनेच्या लाभासाठी अर्ज करावेत, असे आवाहन समाज कल्याण विभागाचे सहाय्यक आयुक्त कैलास आढे यांनी केले आहे.  अनुसूचित जाती घटकातील चर्मकार समाजासाठी गटई काम (चामड्याच्या वस्तू दुरुस्ती व पादत्राणे दुरुस्ती) करणाऱ्या नागरिकांना या योजनेचा लाभ घेता येतो. या योजनेंतर्गत रस्त्याच्या कडेला ऊन व पावसापासून संरक्षण होण्यासाठी शंभर टक्के अनुदान तत्वावर ४ फूट गुणिले ५ फूट गुणिले ६.५ फूट लांबी, रुंदी व उंची या आकाराचा पत्र्याचा स्टॉल देण्यात येतो.  योजनेच्या लाभासाठी लाभार्थी हा अनुसूचित जाती घटकातील चर्मकार समाजातील असावा. लाभार्थ्यांची वयोमर्यादा ही १८ ते ६० इतकी असावी. अनुसूचित जातीचा दाखला, नागरी भागासाठी ५० हजारपेक्षा कमी वार्षिक उत्पन्न असणाऱ्या तर  ग्रामीण भागासाठी ४० हजार पेक्षा कमी वार्षिक उत्पन्न असणाऱ्या धारकांना स्टॉल ठेवण्यासाठी स्वतःची जागा किंवा नगर परिषद, महानगरपालिका जागेमध्ये ठेवण्यासाठी ना

जनलोक वार्ता न्यूज नेटवर्क  पुणे, दि. २८ : प्रधानमंत्री पीक विमा योजनेत राज्य शासनाने सुरू असलेल्या खरीप हंगामात केवळ १ रुपये भरुन पीक विम्याचा लाभ देण्याकरिता ‘सर्वसमावेशक पीक विमा योजना’ राबविण्यास मान्यता दिली असून शेतकऱ्यांनी ३१ जुलैपर्यंत नोंदणी करुन योजनेत सहभाग घ्यावा, असे आवाहन कृषि विभागाने केले आहे. केंद्र शासनाकडून प्रधानमंत्री पीक विमा योजनाच्या निर्गमीत होणाऱ्या मार्गदर्शक सूचनेनुसार खरीप हंगाम २०२३-२४ ते रब्बी हंगाम २०२५- २६ याकरीता ‘सर्वसमावेशक पिक विमा योजना’( कप ॲण्ड कॅप मॉडेल  ८०:११०) राबविण्यास राज्य शासनाने २६ जून रोजीच्या शासन निर्णयानुसार मान्यता दिली आहे.  नैसर्गिक आपत्ती, किड आणि रोगासारख्या अकल्पित प्रतिकूल परिस्थितीमुळे पिकांचे नुकसान झाल्यास शेतकऱ्यांना विमा संरक्षण देणे. पिकांच्या नुकसानीच्या अत्यंत कठीण परिस्थितीतही शेतकऱ्यांचे आर्थिक स्थैर्य अबाधित राखणे. नाविन्यपूर्ण व सुधारीत मशागतीचे तंत्रज्ञान व सामुग्री वापरण्यास प्रोत्साहन देणे, कृषि क्षेत्रासाठीच्या पतपुरवठ्यात सातत्य राखणे, जेणेकरुन उत्पादनातील जोखमींपासुन शेतकऱ्यांच्या संरक्षणाबरोबरच अन्नसुरक्षा प

जनलोक वार्ता न्यूज नेटवर्क  पुणे, दि.२८: राज्यातील अनुसूचित जाती व नवबौद्ध घटकातील विद्यार्थ्यांना शिष्यवृत्ती योजनेचा लाभ महाडीबीटी प्रणालीवर अर्ज केल्यानंतर सुरळीत होण्यासाठी राज्य शासनाच्या माहिती व तंत्रज्ञान विभागाने  विकसित केलेल्या ‘ई-वॉलेट’ चे सादरीकरण केंद्र शासनाच्या केंद्रीय सामाजिक न्याय व अधिकारिता  मंत्रालयासमोर करण्यात आले. आज दिल्ली येथे समाज कल्याण विभागाचे आयुक्त डॉ. प्रशांत नारनवरे यांनी हे सादरीकरण केले. अनुसूचित जाती व नवबौद्ध घटकातील विद्यार्थ्यांना शिष्यवृत्ती योजनेचा लाभ महाडीबीटी या प्रणालीवरून देण्यात येतो. सदर महाडीबीटी प्रणालीवर अर्ज केल्यानंतर शिष्यवृत्ती चा लाभ संबंधित विद्यार्थी व महाविद्यालयांना सुरळीत होण्याकरिता राज्य शासनाच्या माहिती व तंत्रज्ञान विभागाने  ‘ई-वॉलेट’ ही संकल्पना केंद्र शासनाच्या पी.एफ.एम.एस. द्वारे वितरण करण्याची प्रणाली विकसित केलेली आहे.  2018-19 पासून या प्रणालीचा वापर करण्यात येऊन विद्यार्थ्यांच्या आधार संलग्न खात्यामध्ये त्यांच्या निर्वाह भत्त्याची रक्कम तसेच महाविद्यालयांना देय असलेली संबंधित विद्यार्थ्यांचे शिक्षण शुल्क व परीक्ष

जनलोक वार्ता न्यूज नेटवर्क  पुणे, दि. २८  : राजर्षी छत्रपती शाहू महाराज जयंती पर्व याचे औचित्य साधून राज्यात २६ जून ते २६ जुलै या कालावधीत पुणे जिल्हा जात पडताळणी समितीमार्फत विशेष मोहीम राबविण्यात येत आहे, अशी माहिती अतिरिक्त जिल्हाधिकारी तथा पुणे जिल्हा जात पडताळणी समिती अध्यक्ष डॉ. प्रविणकुमार देवरे यांनी दिली आहे.  या मोहिमेअंतर्गत शाळा शिकत असलेल्या मागासवर्गीय विद्यार्थ्यांना शाळेतच जात प्रमाणपत्र देण्यासोबत इयता ११ वी व १२ वी विज्ञान शाखेतील विद्यार्थी, सीईटी परीक्षेला बसलेल्या, पदविका तृतीय वर्ष अभ्यासक्रम प्रवेशित सर्व मागासवर्गीय विद्यार्थ्यांना जात वैधता प्रमाणपत्र देण्यात येणार आहे. विद्यार्थ्यांना जात प्रमाणपत्र शाळेतच मिळण्यासाठी जिल्हाधिकारी कार्यालयाकडून विभागीय शिक्षण उपसंचालक, गटशिक्षण अधिकारी (प्राथमिक/माध्यमीक), उपविभागीय अधिकारी, तहसिलदार, शाळा मुख्याध्यापक यांच्या मार्फत आवश्यक नियोजन व सक्षम कार्यप्रणाली निश्चित करण्यासाठी कार्यवाही सुरू करण्यात आली आहे.  कोणीही मागासवर्गीय विद्यार्थी जात प्रमाणपत्रा पासून वंचित राहू नये हा या मोहिमेचा मुख्य उद्देश आहे. यामध्ये श

जनलोक वार्ता न्यूज नेटवर्क  पुणे, दि. २८ : मराठवाडा इको बटालियन अंतर्गत येत असलेल्या १३६ इन्फंट्री बटालियन (टीए) (इको) महारमध्ये सशस्त्र दलातील माजी सैनिक, पर्यावरण, वन आणि हवामान बदल विभाग व राज्य वन विभागाच्या माजी महिला कर्मचाऱ्यांची एकूण २४९ पदे भरावयाची असून संबंधितांनी भरती रॅलीत भाग घेण्याचे आवाहन जिल्हा सैनिक कल्याण अधिकारी, पुणे  लेफ्टनंट कर्नल  एस. डी. हंगे (नि.) यांनी केले आहे.  १०१ इन्फंट्री बटालियन (टीए) मराठा लाईट इन्फंट्री, जनरल परेड ग्राउंडच्या मुख्य गेटजवळ, अर्जुन मार्ग पुणे येथे २४ जुलै ते २७ जुलै व मुख्यालय ९७ आर्टी ब्रिगेड, छत्रपती संभाजी नगर (औरंगाबाद) मिलिटरी कँट, (सर्वत्र स्टेडियम) येथे ३१ जुलै ते ४ ऑगस्ट या कालावधीत भरती प्रक्रियेचे आयोजित करण्यात येणार आहे.  १३६ इन्फंट्री बटालियन (टीए) इको महार या बटालियन मध्ये ज्युनिअर कमिशन्ड ऑफिसरची ६ , सोल्जर जीडी (सामान्य कर्तव्य), लिपिक जीडी (सामान्य कर्तव्य) ६, शेफ समुदाय ५, वॉशरमन २, ड्रेसर ३, घरकाम पाहणारी व्यक्ती ३, लोहार १, मेस किपर १,  कारागीर (लाकूड - कामगार ) १, मेस शेफ १ अशी एकूण २४९  पदे रॅलीच्या माध्यमातून भराव

epaper - janlok varta - 28-06-2023  

जनलोक वार्ता न्यूज नेटवर्क पुणे : पत्नीचा खून करून दोन मुलांना विहिरीत ढकलून देत एका डॉक्टरने आत्महत्या केल्याची घटना मंगळवारी दौंड येथे घडली होती. या लहान मुलांचे मृतदेह विहिरीतील खोल पाण्यातून बाहेर काढण्यासाठी हडपसर येथील डॉ. बच्चूसिंग व आझादसिंग टाक या पिता- पुत्रांची मदत घेण्यात आली. वरवंड (ता. दौंड) येथे दिवेकर कुटुंबातील चौघांचा मृत्यू झाल्याची माहिती समोर आल्यानंतर, त्यांच्या दोन लहान मुलांचे मृतदेह विहिरीत असल्याचे पोलिसांना समजले. यावेळी यवत पोलिसांनी हे मृतदेह बाहेर काढण्यासाठी टाक पिता-पुत्रांची मदत घेतली. टाक पिता-पुत्रांनी रात्री अकरा वाजता विहिरीत दोरीच्या साह्याने उतरून तळाशी असलेले चिमुकल्यांचे मृतदेह बाहेर काढले. वीरेंद्रसिंग टाक, सूरज काची व शुभम झगडे यांनी या कामामध्ये टाक पिता-पुत्रांची आहे. मदत घेतली. हडपसर गाडीतळ येथील शिकलकर वस्तीमध्ये टाक कुटुंबीय राहतात. लहानपणापासून डॉ. बच्चूसिंग टाक यांनी कालव्यात पोहण्याची सवय होती. कालव्यात बुडणाऱ्या अनेक नागरिकांना त्यांनी जीवदान दिले आहे. तर, कालव्यात वाहून येणारे अनेक मृतदेह बाहेर काढण्यासाठी पोलिस व आपत्ती व्यवस्थापन व

जनलोक वार्ता न्यूज नेटवर्क  पुणे, दि. २२ : राजर्षी छत्रपती शाहू महाराजांचा जन्मदिवस २६ जून हा "सामाजिक न्याय दिन" म्हणून साजरा करण्यात येतो. सामाजिक न्याय दिन अधिक लोकाभिमुख होण्याच्यादृष्टीने व जनतेमध्ये सामाजिक न्यायाच्या प्रती अधिक जागरूकता निर्माण व्हावी यादृष्टिने सामाजिक न्याय व विशेष सहाय्य विभागामार्फत विशेष उपक्रम राबविण्यात येणार आहेत, अशी माहिती समाज कल्याण विभागाचे सहाय्यक आयुक्त कैलास आढे यांनी दिली आहे.  समाज कल्याण विभागामार्फत यावर्षीही  २६  जून रोजी अखिल भारतीय मराठा शिक्षण परिषदेचे श्री शाहू मंदीर महाविद्यालय पर्वती पायथा आणि राजीव गांधी अॅकेडमी ऑफ ई- लर्निंग स्कुल अँड सायन्स ज्युनिअर कॉलेज, अनुराग सोसायटी, शिवदर्शन पूरग्रस्त वसाहत, पर्वती पायथा पुणे येथून विद्यार्थ्यांच्या प्रभातफेरीचे आयोजन करण्यात आले आहे. या कार्यक्रमाला  समाज कल्याण आयुक्त आणि जिल्हाधिकारी उपस्थित राहणार आहेत.    सामाजिक न्याय दिनाच्या या कार्यक्रमाला  नागरिकांनी मोठ्या संख्येने उपस्थित राहवे, असे आवाहनही समाज कल्याण विभागामार्फत करण्यात आले आहे.

  जनलोक वार्ता न्यूज नेटवर्क   पुणे, दि.२२ :- दूध दरवाढीसंदर्भात शासन सकारात्मक आहे. यासाठी सहकारी दूध उत्पादक संस्था, खाजगी दूध उत्पादक संस्थांचे पदाधिकारी व संबधित विभागाच्या अधिकाऱ्यांचा समावेश असलेली समिती स्थापन करणार असून लवकरच यासंबधी निर्णय करण्यात येईल,  अशी माहिती महसूल, पशुसंवर्धन आणि दूग्ध विकास मंत्री राधाकृष्ण विखे पाटील यांनी दिली. दूध दरासंबधी राज्यातील सहकारी आणि खाजगी दूध उत्पादक संस्था व पशुखाद्य उत्पादक संस्थांच्या पदाधिकाऱ्यांच्या समवेत आयोजित बैठकीत ते बोलत होते. बैठकीस माजी राज्यमंत्री सदाभाऊ खोत, प्रा.सुरेश धस, आमदार राहूल कुल, संग्राम थोपटे, पशुसंवर्धन विभागाचे प्रधान सचिव जगदीश गुप्ता, पशुसंवर्धन आयुक्त डॉ. हेमंत वसेकर, दूध संघांचे पदाधिकारी यावेळी उपस्थित होते. श्री.विखे पाटील म्हणाले, दूधाच्या दरवाढीबाबत पदाधिकाऱ्यांच्या मागणीवर समितीद्वारे निर्णय घेऊन त्याची अंमलबजावणी करण्यात येईल. दूध उत्पादक संघानीदेखील शासनाला सहकार्य करावे. दूध भेसळीचा प्रश्न गंभीर असून त्यावर नियंत्रण आणणे गरजेचे आहे. दूध भेसळीस प्रतिबंध व्हावा यासाठी दूधाच्या भेसळीस प्रोत्साहन देणाऱ्

जनलोक वार्ता न्यूज नेटवर्क  मुंबई दि.२१, जिल्हा परिषद शाळांमध्ये शिक्षकांची आंतरजिल्हा बदली बंद होणार आहे. नव्याने नियुक्त होणाऱ्या शिक्षकांना जिल्हा बदलीचा हक्क राहणार नाही. शालेय शिक्षण विभागाने महत्त्वाचा निर्णय घेतला आहे. जिल्हा परिषद शाळांमध्ये शिकवणाऱ्या शिक्षकांची आंतरजिल्हा बदली संपूर्णत: बंद करण्याची तरतूद ग्रामविकास विभागाने त्यांच्या बदली धोरणामध्ये करावी, असा निर्णय शालेय शिक्षण विभागाने घेतला आहे. तर नव्याने नियुक्ती झाल्यानंतर सदर शिक्षकांना जिल्हा बदलीचा हक्क राहणार नाही. राज्यात शासनाने विहीत केलेल्या कार्यपद्धतीनुसार शिक्षक भरतीसाठी जिल्हा परिषदांतर्गत रिक्त पदांची संख्या सुनिश्चित करताना तसेच भरतीनंतर शिक्षकांना द्यावयाच्या नियुक्त्यांसाठी सुधारीत अटी लागू करण्यात आल्या आहेत. ज्यामध्ये जिल्हा परिषद शाळांमध्ये शिकवणाऱ्या शिक्षकांची आंतरजिल्हा बदली संपूर्णत: बंद करण्याची तरतूद ग्रामविकास विभागाने त्यांच्या बदली धोरणामध्ये करावी, असा निर्णय शालेय शिक्षण विभागाने घेतला आहे. तर नव्याने नियुक्ती झाल्यानंतर सदर शिक्षकांस जिल्हा बदलीचा हक्क राहणार नाही. नव्याने नियुक्तीनंतर इ

जनलोक वार्ता न्यूज नेटवर्क  पुणे, दि.२२:  राष्ट्रीय शिक्षण धोरणाच्या अंमलबजावणीसाठी खाजगी शिक्षण संस्थांना मार्गदर्शन करण्यासोबत त्यासाठी आवश्यक सुविधा निर्माण करण्यासाठी  सहकार्य करण्यात येईल, असे प्रतिपादन उच्च व तंत्रशिक्षण मंत्री तथा जिल्ह्याचे पालकमंत्री चंद्रकांतदादा पाटील यांनी केले.  मुक्तांगण इंग्रजी विद्यालयात पुणे विद्यार्थी गृह आणि ऑल इंडिया कौन्सिल ऑफ टेक्निकल एज्युकेशन यांच्या संयुक्त विद्यमाने 'उच्च शिक्षणाच्या खाजगी संस्थांमध्ये राष्ट्रीय शिक्षण धोरण राबविण्यात व्यवस्थापनाची भूमिका' या विषयावर आयोजित एक दिवसीय कार्यशाळेच्या उद्घाटनप्रसंगी ते बोलत होते. यावेळी  एआयसीटीईचे अध्यक्ष प्रा. टी.जी. सीताराम, उच्च शिक्षण संचालक शैलेंद्र देवळाणकर, मुंबई विद्यापीठाचे कुलगुरू डॉ. रविंद्र कुलकर्णी, पुणे विद्यार्थी गृहाचे अध्यक्ष सुनील रेडकर आदी उपस्थितीत होते.   मंत्री श्री.पाटील म्हणाले, नवीन शैक्षणिक धोरणात मातृभाषेतून शिक्षण देण्याला महत्व देण्यात आले आहे. तंत्रनिकेतन आणि अभियांत्रिकी विषयाची पुस्तके लवकरच मराठीतून उपलब्ध करून देण्यात आली आहेत. मातृभाषेतून शिक्षण मिळाल्या

जनलोक वार्ता न्यूज नेटवर्क  पुणे, दि. २२: आगामी निवडणुकीमध्ये मतदानाचे प्रमाण वाढविण्यासाठी मतदार याद्या अचूक आणि निर्दोष करण्यावर तसेच नव युवा मतदार नोंदणीवर सर्वाधिक भर द्यावा. मयत मतदारांची वगळणी, कायमस्वरूपी स्थलांतरित मतदार, दुबार मतदार वगळणी यावर विशेष लक्ष द्यावे, असे निर्देश राज्याचे मुख्य निवडणूक अधिकारी श्रीकांत देशपांडे यांनी दिले. यशदा येथे मुख्य निवडणूक अधिकारी कार्यालय आयोजित राज्यातील जिल्हाधिकारी तथा जिल्हा निवडणूक अधिकारी व उप जिल्हा निवडणूक अधिकारी यांच्या दोन दिवसीय कार्यशाळेच्या उद्घाटनप्रसंगी श्री. देशपांडे बोलत होते. यावेळी भारत निवडणूक आयोगाचे स्वीप संचालक संतोष अजमेरा, पुण्याचे जिल्हाधिकारी डॉ. राजेश देशमुख, उपसचिव तथा सहमुख्य निवडणूक अधिकारी मनोहर पारकर आदी उपस्थित होते. मुख्य निवडणूक अधिकारी देशपांडे म्हणाले, आगामी वर्ष निवडणुकांचे असल्याने निवडणुकीच्या अनुषंगाने आवश्यक तयारी करायची आहे.  भारत निवडणूक आयोगाने यापूर्वीच याबाबत सर्व तयारी सुरू केली आहे. आयोगाने सर्व मतदार संघातील कायदा व सुव्यवस्था, मतदान केंद्रांची तयारी, संवेदनशील मतदान केंद्र निश्चिती आदींचा

  जनलोक वार्ता न्यूज नेटवर्क           पुणे, दि. २२: नवीन वाळू धोरणानुसार सर्वसामान्यांना चांगल्या प्रतीची वाळू स्वस्त दरात उपलब्ध होणार असून अवैध वाळू उपसा होण्यास प्रतिबंध होणार आहे. त्यामुळे जिल्ह्यात नव्या वाळू धोरणाची प्रभावीपणे अंमलबजावणी करुन कार्यवाही अधिक गतिमानतेने करा, असे निर्देश महसूल मंत्री राधाकृष्ण विखे -पाटील यांनी दिले. जिल्हाधिकारी कार्यालयात नवीन वाळू धोरण अंमलबजावणी व वाळू डेपो सुरु करण्याबाबत केलेल्या कार्यवाहीबाबत आढावा बैठक घेण्यात आली. यावेळी ते बोलत होते. यावेळी आमदार राहुल कुल, संग्राम थोपटे, अपर जिल्हाधिकारी अजय मोरे, निवासी उपजिल्हाधिकारी ज्योती कदम, उपविभागीय अधिकारी संजय आसवले, स्नेहा किसवे-देवकाते, सुरेंद्र नवल, ज्योगेंद्र कट्यार, गोविंद शिंदे, मिनाल मुल्ला, राजेंद्र कचरे व वैभव नावडकर उपस्थित होते.           महसूल मंत्री विखे-पाटील म्हणाले, नागरिकांना स्वस्त दराने वाळू मिळण्यासाठी तसेच अनधिकृत वाळू  उत्खननाला आळा घालण्यासाठी नवे सर्वंकष सुधारित रेती, वाळू धोरण राज्य शासनामार्फत जाहीर करण्यात आले आहे. या नवीन धोरणानुसार प्रायोगिक तत्वावर एक वर्षासाठी सर्

  जनलोक वार्ता न्यूज नेटवर्क  पुणे, दि. २२: महाराष्ट्र राज्य खादी व ग्रामोद्योग मंडळाच्या हातकागद संस्थेच्या गुणवत्ता सुधारण्यासाठी आणि उपयुक्तता वाढविण्यासाठी शासन सर्व सहकार्य करेल, त्यासाठी आवश्यक प्रस्ताव सादर करावा, असे प्रतिपादन उद्योगमंत्री उदय सामंत यांनी केले.  महाराष्ट्र राज्य खादी व ग्रामोद्योग मंडळांतर्गत हातकागद संस्था संशोधन, प्रशिक्षण विभागाला भेटीप्रसंगी ते बोलत होते. यावेळी सहायक मुख्य कार्यकारी अधिकारी एन. जी. पाटील, सहसंचालक उद्योग सदाशिव सुरवसे, जिल्हा उद्योग केंद्राचे व्यवस्थापक पी. जी. रेंदाळकर, संचालक हातकागद तथा जिल्हा ग्रामोद्योग अधिकारी एस. आर. खरात, उद्योजक मंगेश लोहपात्रे आदी उपस्थित होते.    सामंत म्हणाले, खादी व ग्रामोद्योग मंडळाची हातकागद ही महाराष्ट्रातील एकमेव जूनी संस्था आहे.  या संस्थेची  वार्षिक उलाढाल त्यातुलनेत आहे. या ठिकाणी उत्पादीत होणाऱ्या उत्पादनास चांगली बाजारपेठ मिळणे आवश्यक आहे. या ठिकाणी टाकाऊ कागद, जलपर्णी, जुनी कपडे यावर प्रक्रिया करुन फाईल, फोल्डर, कागद आणि इतर स्टेशनरी  वस्तू बनविल्या जातात, ही अत्यंत महत्त्वाची बाब आहे.  संस्थेत तयार

जनलोक वार्ता न्यूज नेटवर्क  प्रतिनिधी / दयानंद गौडगांव  पुणे दि.२१, आषाढी एकादशीनिमित्त पंढरपूरला यंदा तब्बल १८ लाख वारकरी वारीत सहभागी झाले आहेत. या वारकऱ्यांसाठी राज्य सरकारकडून मोठी घोषणा करण्यात आली आहे. वारकऱ्यांना विमा संरक्षण देण्यात येणार असल्याचं मुख्यमंत्री एकनाथ शिंदे यांनी जाहीर केलं आहे. सरकारच्या खर्चातून हे विमा संरक्षण असणार आहे. पंढरपूरच्या आषाढी वारीत सहभागी झालेल्या वारकऱ्यांसाठी शासनातर्फे विमा संरक्षण देणारी विठ्ठल रुक्मिणी वारकरी विमा छत्र योजना लागू करण्याची घोषणा मुख्यमंत्री एकनाथ शिंदे यांनी केली. लाखो वारकऱ्यांना यामुळे शासनाच्या खर्चाने विमा संरक्षण मिळणार आहे. वारीच्या 30 दिवसांसाठी हे विमा संरक्षण असेल. यामध्ये एखाद्या वारकऱ्याचा दुर्दैवी मृत्यू झाल्यास त्यांच्या कुटुंबियांस 5 लाख रुपये सानुग्रह अनुदान देण्यात येईल. दुर्घटनेत कायमचे अपंगत्व किंवा विकलांगता आल्यास 1 लाख रुपये देण्यात येतील. अंशत: अपंगत्व आल्यास 50 हजार रुपये तसेच वारीच्या दरम्यान आजारी पडल्यास औषधोपचारासाठी 35 हजार रुपयापर्यंतचा खर्च मिळेल.

  जनलोक वार्ता न्यूज नेटवर्क शिराळा दि.२०, येथील न्यू इंग्लिश स्कूलमध्ये आंतरराष्ट्रीय योग दिवस उत्साहात साजरा करण्यात आला. यावेळी एन. सी.सी. ऑफिसर अरुण हाके यांच्या मार्गर्शनाखाली विद्यार्थ्यांनी योग अभ्यास केला. यावेळी  मुख्याध्यापक अंगराज माजगावकर यांनी विद्यार्थ्यांना योग साधनेचे महत्त्व समजावून सांगितले. विद्यार्थीदशेत योग साधनेचे महत्त्व जाणून घेवून नियमित पणे योग करावा. व निरोगी राहण्यासाठी योग साधनेची आवश्यकता पटवून देण्यात आली. यावेळी भास्कर हराळे सर यांनी विद्यार्थ्यांना योगासने व त्यांचे महत्त्व सांगितले .  यावेळी विद्यालयाचे मुख्याध्यापक ए.पी.माजगावकर, पर्यवेक्षक एस.बी.नांद्रे, क्रीडा शिक्षक एस.एस.चव्हाण तसेच सर्व शिक्षक, शिक्षिका शिक्षकेतर कर्मचारी आणि विद्यार्थी मोठ्या संख्येने उपस्थित होते.

जनलोक वार्ता न्यूज नेटवर्क  मुंबई दि. २१,   राज्यातील आताची सर्वात मोठी बातमी समोर आली आहे. ठाकरे कुटुंबियांच्या  सुरक्षेत शिंदे-फडणवीस सरकारने कपात केली आहे.  उद्धव ठाकरे , आदित्य ठाकरे, रश्मी ठाकरे, तेजस ठाकरे यांची सुरक्षा कमी करण्यात आली आहे. तसंच मातोश्रीवर असलेल्या सुरक्षा रक्षकांच्या संख्येतही कपात करण्यात आली आहे. उद्धव ठाकरे यांच्या सुरक्षा ताफ्यातील एक एस्कॅार्ट गाडी केली कमी, तसंच पायलटही कमी केलाय.  मातोश्रीवर असलेल्या एसआरपीएफची सुरक्षा काढून टाकण्यात आली आहे. झेड प्लस सुरक्षा आता व्हाय प्लस करण्यात आली आहे.  राज्याच्या गृहविभागाने हा आदेश दिला आहे. आदेशानुसार राज्याचे माजी मुख्यमंत्री आणि ठाकरे गटाचे प्रमुख उद्धव ठाकरे यांच्या सुरक्षेत कपात कमी करण्यात आली आहे. केवळ उद्धव ठाकरेच नाही तर संपूर्ण ठाकरे कुटुंबांच्याच सुरक्षेत कमी केली आहे. अचानक सुरक्षा कमी करण्याबाबत गृहविभागाकडून कोणतंही कारण अद्याप देण्यात आलेलं नाही.

जनलोक वार्ता न्यूज नेटवर्क  प्रतिनिधी : दत्ता भगत खेड / शिरोली दि २० , पुणे जिल्ह्यातील खेड तालुक्यातील शिरोली येथील जिल्हा परिषद प्राथमिक शाळा येथे  राष्ट्रीय आरोग्य अभियान अंतर्गत आरोग्य तपासणी शिबीर व आयुर्वेदिक मार्गदर्शन  डॉ प्रताप पवार पंढरपूर यांच्या मार्गदर्शनाखाली संपन्न झाले. या मध्ये केमिकल मुक्त भारत अभियान स्वदेशी आपणाये देश निरोगी जीवन पाये .या शिबिरात  प्रामुख्याने गुडघे दुखणे, संधिवात, मणक्याचे विकार,पोटाचे सर्व आजार,दमा, लखवा, कावीळ,क्षयरोग (टी. बी.) अशा विविध रोगांवर मार्गदर्शन आणि उपाय योजना या संदर्भात तोला मोलाचे मार्गदर्शन केले. या वेळी शिरोली आणि पंचक्रोशीतील जवळपास चार पाचशे च्या आसपास  विविध लहान थोर वडीलधारी लोकांनी या शिबिराचा लाभ घेतला.यामुळे सर्व लोकांनमध्ये आनंदी आणि उत्साही वातावरण निर्माण झाले.यावेळी ग्रामपंचायत शिरोली च्या लोकनियुक्त सरपंच मुदिता देखणे,उपसरपंच गोरक्षनाथ सांडभोर, सर्व सदस्य, मा सरपंच चंद्रकांत सावंत,सामाजिक कार्यकर्ते सुरेश शिंदे आणि शिरोली गावातील विविध संस्थांचे पदाधिकारी आणि जिल्हा परिषद प्राथमिक शाळा शिरोली  चे आदर्श मुख्याध्यापक राज

जनलोक वार्ता न्यूज नेटवर्क  प्रतिनिधी / रोहन सावंत खेड दि.२०, भोसे येथील मॉडर्न हायस्कूल व कनिष्ठ महाविद्यालयच्या विद्यार्थ्यांनी व शिक्षकांनी सावित्रीबाई फुले पुणे विद्यापीठ येथील G20 शिखर संमेलनानिमित्त राष्ट्रीय स्तरावरील पायाभूत साक्षरता व संख्याज्ञान या विषयावर  मांडण्यात आलेल्या  प्रदर्शनास भेट दिली.अशी माहिती महाविद्यालयाचे प्राचार्य डॉ. सतिश गवळी यांनी दिली .       देशभरातील अध्ययन आणि अध्यापनात चालू असलेले भविष्यकालीन प्रयोग , भेटायला येणारा रोबो , पारंपारिक जादुई पिटाऱ्यापासून आभासी त्रिमितीय जगापर्यंतचे अभिनव प्रयोग , पुणेरी वाहन उद्योगांची डिजिटल भिंत,केरळच्या प्राथमिक शिक्षणापासून ते मेघालयातील पहाडी शिक्षणापर्यंत सर्वच राज्यांतील शैक्षणिक प्रयोगांचा महाकुंभ सावित्रीबाई फुले पुणे विद्यापीठ भरला आहे .त्याची झलकएकाच ठिकाणी पाहण्याची विद्यार्थ्यांना सुवर्णसंधी लाभल्यामुळे विद्यार्थ्यांनी प्रदर्शन पाहिल्यानंतर आनंद व्यक्त केला .