नाविंदगी ग्रामपंचायत निवडणुकीत ८१% मतदान ; प्रतिक्षा निकालाची

नाविंदगी दि . १८ , अक्कलकोट तालुक्यातील नाविंदगी ग्रामपंचायत निवडणुक (आज दि.१८) पार पडली. यास मतदारांचा चांगला प्रतिसाद पहायला मिळाला. गेल्या काही दशकांच्या तुलनेत यंदा सर्वाधिक, म्हणजेच तब्बल ८१% मतदान झाले आहे.

यामध्ये इतर सर्व सदस्य बिनविरोध निवड झाल्यानंतर केवळ सदस्य पदासाठी दोन तर थेट सरपंच पदासाठी दोन उमेदवार रिंगणात होते . यावेळी, मोठ्या प्रमाणात पोलिस बंदोबस्त देखील करण्यात आले होते. अत्यंत शांततेत मतदारांनी आपला हक्क बजावला. आता मंगळवारी (दि.२०) निकाल पाहायला मिळणार आहे. निकालाची उत्सुकता गावकऱ्यांना लागली आहे.